• en
  • hy

4 գործիք ֆեյսբուք-ում օպերատիվ լինելու համար

Ծանոթանանք ֆեյսբուք կապի վերահսկիչների (communication controls)–ի հնարավորություններին, որոնք կօգնենք Ձեզ և Ձեր բիզնեսին մշակել  արագ, հարմար և արդյունավետ արձագանքման համակարգ։

ֆեյսբուք

1․Արագ պատասխաններ (instant replies)։

Այս տեսակի հաղորդագրությունները ֆեյսբուքն ուղղարկում է ավտոմատ կերպով այն մարդկանց, ովքեր Ձեզ գրում են առաջին անգամ։
Այս տարբերակը հրաշալի միջոց է Ձեր հաճախորդներին ցույց տալու, որ Դուք հոգ եք տանում նրանց մասին և շնորհակալ եք նրանց՝ Ձեր հարցին կամ առաջարկին արձագանքելու համար։

Սա նաև օգտակար է այն պարագայում, երբ Դուք օրվա մեջ ստանում եք բազմաթիվ հաղորդագրություններ, սակայն ցանկանում եք Ձեր արագ և հակիրճ պատասխաններով հաճախորդներին ցույց տալ, թե որքան կարևոր են նրանք Ձեզ համար։

Օրինակ՝ «Ողջույն “անուն”, շնորհակալ ենք մեզ հետ կապ հաստատելու համար, մենք Ձեզ կպատասխանենք հնարավորինս շուտ»։

Այստեղ կարող եք օգտագործել Ձեր կրեատիվությունը, ինչու ոչ ընկերական մոտեցում ցուցաբերել և Ձեր հաճախորդներին նվիրել ևս մեկ Ժպտալու առիթ։

Չէ՞ որ, սա առաջին տպավորությունն է Ձեր ընկերության սպասարկման որակի մասին։

2․Պատրաստի պատասխաններ (saved replies)։

Եթե ստիպված եք օրվա մեջ մի քանի անգամ պատասխանել նույն կամ նմանատիպ հարցերին, այժմ հեշտ է խնայել Ձեր ժամանակը՝ պատրաստելով շաբլոններ, որոնք կարող եք մինչ հաճախորդին ուղարկելը խմբագրել և համապատասխանեցնել հարցի բովանդակությանը։
Օրինակ պատրաստի պատասխանները կարող եք օգտագորրծել հաճախորդների գնային հարցմանը պատասխանելու համար, ծառայությունների ցանկը տրամադրելու և այլ պարագաներում։

3․Տեղում չլինելու կարգավիճակ (away status)։

Երբ միացնում եք այս կարգավիճակը, հաճախորդը մուտք գործելով Ձեր էջ տեսնում է, որ Դուք հասանելի չեք տվյալ պահին իր հարցին պատասխանելու համար։
Երբ այս կարգավիճակը միացված է Դուք շարունակում եք ստանալ նամակներ, բայց դրանց չպատասխանելը չի ազդում Ձեր պատասխանների օպերատիվության վրա (response rate
Սա օգտակար է այն պարագայում, երբ աշխատում եք օրվա որոշակի ժամերին միայն։

4․Տեղում չլինելու նամակ (away message):

Ուղարկեք այս նամակները Ձեր հաճախորդներին՝ տեղեկացնելու, որ Դուք շուտով կանդրադառնաք նրանց։
Այստեղ կարող եք նշել այն աղբյուրները կամ կապի միջոցները, որոնք կարող են օգտագործել որպես այլընտրանքային միջոց Ձեզ հետ ավելի շուտ կապ հաստատելու համար։

Օրինակ՝ ստանդարտ շաբլոնների փոխարեն «Ողջույն, շնորհակալ ենք մեզ գրելու համար։ Մենք հիմա փակ ենք, բայց Ձեր նամակին կպատասխանենք հնարավորինս շուտ»։

Դուք կարող եք գրել «Ողջույն “անունը” շնորհակալություն մեզ հետ կապ հաստատելու համար։Ես մեծ սիրով կպատասխանեի Ձեզ, բայց ցավոք գրասենյակում չեմ։ Եթե ունեք հարցեր , կամ ցանկանում եք հանդիպում նշանակել (կախված Ձեր բիզնեսի տեսակից սա կարող է լինել խիստ անհատական)։

Ես Ձեզ կարող եմ առաջարկել մուտք գործել մեր կայք, որտեղ կգտնեք մանրամասն տեղեկություններ մեր ծառայությունների վերաբերյալ կամ նշանակել հանդիպում՝ առանց երկար սպասելու»։

Կարող եք “Away” նամակները օգտագործել հաճախորդին հետաքրքիր տեղեկատվություն փոխանցելու նպատակով։

Օրինակ՝ տրամադրել Ձեր ծառայությունների մասին պատմող վիդեո, ուղարկել Ձեր բլոգի լավագույն նյութերից մեկի լինքը կամ Ձեր գործունեության ոլորտին վերաբերող ընթերցանության նյութ։
Օգտագործեք առիթը՝ ցույց տալու, որ դուք տվյալ ոլորտում մասնագետ եք (Expert):
Այն ընկերությունները, որոնք արագ են արձագանքում հաճախորդների պահանջներին, ֆեյսբուքը նրանց առանձնացնում է՝ տալով «չափազանց օպերատիվ» (very responsive to messages) կարգավիճակը։
Սա տալիս է այն պարագայում, երբ Ձեր նամակների 90%-ին պատասխանում եք 5 րոպեի ընթացքում։ Նամակներին պատասխանելու Ձեր օպերատիվությունը թույլ է տալիս կարծիք կազմել Ձեր ընկերության սերվիսի որակի մասին։

Leave a Reply

Your email address will not be published. Required fields are marked *